Blosics

Blosics 2 - Level Pack | juego con Games68.com

Haciendo la competencia

Albistea

Manifestazio deiak e-mail bidez

Bai, entzun duzuen moduan, makroboteiloien ostean makroprotestak datoz berriz eta ez naiz ari Martxoaren 11ko SMS eta e-mail bidez egin ziren kontzentrazio deialdien inguruan. Kasu honetan, etxebizitza duin baten aldeko protesta deialdia egin dute. Protesta eguna maiatzaren 14an izango da Estatu Espainiarreko hainbat hiriburutan. Deialdiak dio hiriburuetako plaza nagusietan kontzentrazioak egingo direla arratsaldeko 17:00etan.
Jaso berri izan dudan e-mailak zera dio: "Sarea makroboteiloia baino askoz duinagoak diren deialdiak zabaltzeko aukera paregabea". Eta benetan arrazoia du, kasu honetan guztiz duina den eskubide baten alde egiten baitu. Etxebizitza duina izateko eskubidearen alde alegia. Bestalde, oso galdera interesgarria botatzen du airera mezuak, "hedabideek egingo al diote deialdi honi makrobeiloien deialdiei egin zioten harrera bera?", ikusteke dago oraindik.
Mezuak argi eta garbi uzten du deialdia ez duela inolako plataformarik, sindikaturik edo alderdi politikorik deitu. Deialdiaren egilea beraz, ezkutuan gelditzen da eta horrek arazoak sor ditzazke, ez delako inolako baimenik eskatu. Hala ere, etxebizitza duina eskatu nahi duen orori kontzentrazioetan parte hartzeko deia luzatzen diot nik hemendik.